網紅的藏寶箱⭐自家製【芝士牛油焗龍蝦尾】附簡易食譜⭐
潛水員今日升上水面喇~🥳🥳
近排除咗廚房維修工程令我少咗分享食譜，仲有係母親大人身體抱恙，搬咗嚟我家，方便照顧佢起居飲食，我要適應新嘅生活節奏，先可以騰出時間製作食譜同大家分享😉~
今日分享嘅【芝士牛油焗龍蝦尾】非常易做，急凍龍蝦早一日由冷凍格(攝氏-18度)放到冷藏格(攝氏4度)解凍，然後中間剪開，將龍蝦肉由兩邊抽出置於表面，蝦肉不要完全剝離龍蝦殼，接著掃上有鹽牛油及灑上香草碎，平均鋪上芝士碎，放入已預熱達190度焗爐內焗大約15分鐘即成．(不同品牌的焗爐溫度或有差異，或須自行調較烤焗溫度及時間喔)